Копырин Николай Захарович: Барыллар ыккардыларынааҕы ураты

{{Q|Мин кэпсиир икки этээстээх мас дьиэм классическай прогимназияҕа ананан оччотооҕу олохтоох уопсастыба сириэстибэтигэр саха уустарынан тутуллубут. Бу дьиэ барахсан Саха Сиригэр бастаан тэриллибит орто үөрэх кыһата 20-чэ сыл устата балачча элбэх ыччаты (олор истэригэр сахалары) ииппит-үөрэппит үтүөлээх. Бастакы революционер К.Г. Неустроев ([[Урсик]]), бастакы сырдатааччы, суруйааччы [[Күлүмнүүр|В.В. Никифоров-Күлүмнүүр]], бастакы аатырбыт учууталлар В.Г. Монастырев, Д.Д. Сивцев, Г.П. Помин, [[Староватов Птер Хрисанфович|П.Х. Староватов]], бастакы быраастар Е.Н.Слепцов, [[Сокольников Прокопий Нестерович|П.Н. Сокольников]], прогрессивнай өйдөөх диэйэтэллэр Николаевтар, Слепцовтар, Поповтар, Афанасьевтар, Говоровтар о.д.а. Саха бастакы көлүөнэ интеллигеннэрэ бу дьиэҕэ үөрэммиттэрэ. Кинилэртэн Россия бастакы революциятын саҕана «Сахалар Сойуустара» диэн босхолонуулаах хамсааһыны тэрийээччилэр үөскээбиттэрэ. Бу дьиэҕэ 1890 с. прогимназия оннугар реальнай училище тэриллэн үйэ чиэппэрин кэриҥэ үлэлээбитэ. Манна өссө элбэх ахсааннаах интеллигенцийэ иккис көлүөнэтэ иитиллибитэ. Национальнай уус-уран суругунан литератураны, суругу-бичиги төрүттээччилэр [[Өксөкүлээх Өлөксөй|А.Е. Кулаковскай-Өксөкүлээх Өлөксөй]], [[Новгородов Семен Андреевич|С.А. Новгородов]], уһулуччулаах историк ученай [[Ксенофонтов Гаврил Васильевич|Г.В. Ксенофонтов]], кини быраата конфедералистар партияларын баһылыга [[Ксенофонтов Павел Васильевич|П.В. КсенфонтовКсенофонтов]], талааннаах экономист, «Холбос» сойууһу тэрийбит К.О. Гаврильев, «Сырдык», «Саха аймах», «Саха омук» диэн культурнай-сырдатар уопсастыбалары үөскэтэн үлэлэппит бүтүн аармыйа дьон манна үөрэнэн-иитиллэн тахсыбыттара.|Ааптар=}}