Бэйэтэ эмтиэкэ (Суорун Омоллоон) — барыллар ыккардыларынааҕы ураты

 
"Макаар сиэстэрэ бастакы тылларын сатаан истибэтэ, арай, төттөрүтүн кэлэн, куһаҕаҥҥа сэргэҕэ дэлэтэ дуо, «окуоскаҕа бар» диэбитин «кокуоскаҕа бар» диэтэ диэн, тиэрэ истэн таһаарда."
 
- Дьэ, тоойуом, көрөн абыраа, көрдөрө кэллим.
 
- Урут сылдьыбытыҥң дуо?
 
- Ээ, уруккуттан ыалдьардаахпын, иһим ыарыыта өрө туран кэбистэ.
 
- Урут сылдьыбытыҥң дуо диибин ээ?
 
- Туох даа-аа?
 
- Урут сыл-дьы-бытыҥң дуо?
 
- Ээ, ыалдьан, ыалдьан. Бу икки хонно өрө турбута…- диэн буолла.
 
Дьон айдаара, күлсэ түстүлэр. Биэс-алта киһитэңинэн кэлэн: «Урут сылдьыбытыҥ дуо?»- диэн, үрүт-үрдүгэр ыйытан, эбии дөйүтэн эбистилэр. Ол да буоллар, иирбит, итирбит киһи баарай, лэбэһэн-лэбэһэн, быһаардылар: урут сылдьыбатах эбит. Биирдэ саһаан киллэрэ сылдьыбыта үһү дээ, ону бу чуолҕанынан суруйтарбатаҕа үһү.
 
Аны туран нууччатымсыйбыт баҕайы сиэстэрэ кыыс эмиэ ыйытта:
 
- Киминэн ыҥырыллаҕын? - диэтэ.
 
Макаар тугу да өйдөөбөтө, хараҕын эрэ чыпчылыҥнатта. Турбахтыы түһэн баран:
 
- Туох даа-аа? – диэтэ эмиэ.
 
- Чуорту, киминэн ыҥырыллаҕын диибин ээ?
 
Макаар дьэ мэлийдэ. Түрдэһиннэ. Тэпсэҥнээтэ. Хараҕын миин курдук көрдө. Ыксаата, мэктиэтигэр сыыҥа чоккураан түспүтүн билбэтэ уонна үнэн-үнэн:
 
- Суох, кими да ыҥырбаппын… Иһим…- диэн эрдэҕинэ, дьон эмиэ күлсэн тоҕо бардылар: «Аатыҥ, аатыҥңкимий?» - дэстилэр.
 
Оҕонньордоро анны туран аатын умнан кээспит. Өр талан турда. Онтон, хараҕын хайдах эрэ урулус гына көрөн баран, аргыый эмээхсиниттэн ыйытта:
 
- Эмээхсиэн, аатым ким этэй?
 
- Күтүр иирбит дуу, оттон Макаар буолбаккын дуо?
 
- Ээ, арба, кырдьык, Макаар, Макаар…- диэхтээтэ, ол-бу диэки көрө- көрө.
0

уларытыы