Биики Домох:Кыбытык бырайыак

Кыбытык — сахалыы суруктаах кинигэ кыбытыга оҥорон кинигэ лааппыларынан тарҕатар бырайыак.

Өр төбөҕө илдьэ сылдьан баран 07.07.2021 хас да бассаап бөлөхтөргө ырытыыга ыытыллыбыт өйүк (идея). "Айар" кинигэ кыһатын дириэктэрэ Август Васильев босхо тарҕатарга сөбүлэҥин биэрдэ, ол туһунан "Ааҕар Саха сирэ" бассаап-бөлөххө суруйда.

Манна хамсанарга, айарга-тутарга, үлэлииргэ көҕүйэр бэргэн этиилэри мунньабыт. Кыбытык кээмэйэ кыратынан бэргэн этии кылгас буолуохтаах, уһаабыта 5-6 тыл.

Бу дьон фэйбуукка укпуттарын көһөрдүм:

  • Олорор мутуккун кэрдимэ
  • Дугдуруй да оҕус!
  • Сүгэ кыайбатаҕын сүбэ кыайар
  • Көҕөн көттөҕүнэ көппөх өрүкүйэр
  • Ат сүүрдэҕинэ ыт хаалбат
  • Сүрэҕэ суох сүүс сүбэлээх
  • Арыы үөһэ уу дагдайбат
  • Кырдьык үрдүгэр сымыйа ыттыбат
  • Норуот күүһэ- көмүөл күүһэ
  • Көрдөөбүт көмүһү, сылдьыбыт сыыһы булар
  • Бэйэтин иннигэр сүрдьүгэс үүтүн көрбөккө киһи иннигэр иҥнэ (инньэ) үүтүн көрөр
  • Алгыс аалы көтөҕөр

Дьиҥэр, санааны көтөҕөр өс хоһоонно, туохха эрэ угуйар бэргэн этиитэ булуохха баар этэ. Холобур, Бүөтүр Тобуруокапка "Уонна хаһан?" диэн хоһоонноох, онтон быһа тардан угуохха сөп дии саныыбын. Онон, ити үөһэ этиллибиттэн таллахха маннык буолуон сөп:

  • Дугдуруй да оҕус!
  • Көрдөөбүт көмүһү, сылдьыбыт сыыһы булар
  • Эдэртэн эйэтин, кырдьаҕастан алгыһын ыл.
  • Биэрэрин бэскэ ыйаабыт, уунарын умнан кэбиспит.
  • Киһи тыла ох.
  • Саалаахтан самныма, охтоохтон охтума.
  • Сэттэтэ кээмэйдээ, биирдэ быс.

2021 сыл, атырдьах ыйын 5 күнэ уларыт

Биир муҥ (тыһыынча) кыбытыгы биэс көрүҥүнэн бэчээттэтэн таһаардыбыт. Аны кэпсэтии быһыытынан "Айардарга" тиксэрэн "Бичик" кинигэ маҕаһыыннарынан тарҕатыахтаахпыт.