Бүлүүйүскэй

Альберт Бүлүүйүскэй - Сунтаар улууһун Кутана нэһилиэгиттэн төрүттээх саха бэйиэтэ.

Икки хоһоон хомуурунньуга уонна биир улахан хомуурунньук тахсыбыттара: "Уоттаах түннүк" (1968 с.), " Дойдубар мин тыыннаах эргиллиэм" (2003 с.), "Доҕоттоор, мин сир тыыннаах киһитэбин!" (2021 с.).

	Өскөтө мин өлөр түгэммэр Өйдөнүөм дуо дьоммор-сэргэбэр?
	— Альберт Бүлүүйүскэй, Доҕоттоор, мин сир тыыннаах киһитэбин! Дьокуускай, 2021. С.147

	Эйэ! Бу тыл бүгүн күүстээх, Наадалаах салгын кэриэтэ. Сир үрдүн бары киһитэ Эйэ иһин охсуһуох кэриҥнээх.
	— Альберт Бүлүүйүскэй, Доҕоттоор, мин сир тыыннаах киһитэбин! Дьокуускай, 2021. С.40

	Ыалдьа сытабын... Ытыы сытабын... Суох, туруом, туруом! Соһуччу туруом, ойон туруом! Оо, төбөм, түөһүм, иһим... Оо, баҕар ыалдьыҥ эһи, Таах сытыахпын баҕарбаппын, Таптыыбын – олоҕу, дьону барытын!
	— Альберт Бүлүүйүскэй, Доҕоттоор, мин сир тыыннаах киһитэбин! Дьокуускай, 2021. С.54-55

	Мин автобиографиям адьас Куобах кутуругунуу кылгас. Төрөөбүтүм кыыһар сардаҥаҕа, Суумкалаах баартым оскуолаҕа. Итинтэн ордугу эбэммин Мин эһиэхэ кыайан кэпсээбэппин. Боростуой киһи олоҕо Туоҕа кэрэхсэнэр оччоҕо? Кими баҕарар кэрэхсэтэр Ытыһын чэрэ – диэм этэ.
	— Альберт Бүлүүйүскэй, Доҕоттоор, мин сир тыыннаах киһитэбин! Дьокуускай, 2021. С.58

	Күннэтэ көрсүөхтээх соргум Иҥэн хаалтын кэриэтэ, Уоттаах түннүк мин олоҕум Соҕотох эркээйитэ.
	— Альберт Бүлүүйүскэй, Доҕоттоор, мин сир тыыннаах киһитэбин! Дьокуускай, 2021. С.90

	Тыһыынчанан уот лампалар Тырымнаһа умайдылар, Асфальт иэннээх уулуссалар Арылыйа сырдаатылар, Тула сырдыыр, Сүрэх ыллыыр: “Тоҕо бэрдэй, үчүгэйэй – Уоттаах түүҥҥү Дьокуускай!”
	— Альберт Бүлүүйүскэй, Доҕоттоор, мин сир тыыннаах киһитэбин! Дьокуускай, 2021. С.103-104

	Үчүгэй да этэ ол сайын... Эн биһи дьаарбайа сылдьарбыт. Ойууртан чэбдик тыал илгийэн, Кынаттаах кэриэтэ хаамсарбыт.
	— Альберт Бүлүүйүскэй, Доҕоттоор, мин сир тыыннаах киһитэбин! Дьокуускай, 2021. С.124

	Кырдьыбат сир тэтиэнэх мөссүөнүнэн. Доҕоттоор, мин сир тыыннаах киһитэбин, Кэлэр кэмнэргэ айаннаан иһэбин!
	— Альберт Бүлүүйүскэй, Доҕоттоор, мин сир тыыннаах киһитэбин! Дьокуускай, 2021. С.143

	Тыыннаахтар тымныытык сырдаабаттар, Тыыннаахтар таптаан айаллар...
	— Альберт Бүлүүйүскэй, Доҕоттоор, мин сир тыыннаах киһитэбин! Дьокуускай, 2021. С.153

	Тиһэх ырыабын Тииһим быыһынан Сыыйан ыллыам, Сырдаан ылыам! Тиһэх ырыам – Тиийэн кэллиҥ...
	— Альберт Бүлүүйүскэй, Доҕоттоор, мин сир тыыннаах киһитэбин! Дьокуускай, 2021. С.163

	Күн-дьыл мин дууһабар Кырыа хаары илдьэ иһэр, Ханна тиийэн суол баһыгар Үрүҥ күммүн мэлитэр? Билбэппин.
	— Альберт Бүлүүйүскэй

Мин эмиэ суруйан эрэбин Эйиэхэ күн күбэй ийэбэр... Харда да кэлбэтин биллэрбин, Сүрэҕим тулуппат тииһигэр... Эн ыраах тоҥ буорга куустаран, Бу күнтэн матаҥҥын сытаргын, Күүрээннээх олоххо уйдаран, Көр арыт мин умнан ылабын. Оо, арай бу сааскы күөх халлаан Омуннаах этиҥин кэнниттэн, Илгэлээх ардахтыы таммалаан, Мин тылым тиийдин дуу тириэрэн... Оччоҕо суох буолкун мэлдьэһэн, Тоҥ буору тэбэнээт, туруоҕуҥ, Эн хаһан кэлэргин кэтэһэн Ыллаабыт биир уолгун кууһуоҕуҥ.

— Ийэбэр сурук Альберт Бүлүүйүскэй