Умсуура

Умсуура (Корякина Ольга Николаевна) - Тааттаттан төрүттээх саха бэйиэтэ.

Сымыыт хаҕын дьөлө охсон,
Хотой оҕолуу дьорҕооттук
Босхоломмут санаабынан
Ийэ дойдубун кууһуохпун...

Мин - сүүрбэһис үйэ
Сайдыылаах кыыһын -
Айааһана илик кындыа ат санаам
Халлаан сиигин бачымах сулустарын
Турута тэбиэлии, тэбиэһиргии...

Сүүрбэһис үйэ муммут
Куһун оҕотун
Санатар ийэ тылын
Сүтэрбит киһи

Умсуура туһунан уларыт

Эдэр поэт санаа уобараһын таба туттар, ити үксүгэр сиппит-хоппут ааптарга көстөөччү. Бу үчүгэй. Кини булумньулара сонун... Умсуура өссө да умсугутуоҕа.

- Н.Дьяконов

	Умсуураны сүрдээҕин ытыктыыбын. Аан бастаан саха дьахтарын хорсуон-хоодуот тылларынан, оччотооҕу улугуран сыппыт уопсастыбаны соһуппут, уһугуннарбыт кини буолар.
	— "Көҥүл куттаах поэттар" Барыыс Павлов, "Көмүөл" кинигэ кыһатын дириэктэрэ // Сулустан тохтубут хоһооннор / Б.И. Павлов - Дьокуускай : Көмүөл, 2011, С.3