Чиряев Валерий Георгиевич

Чиряев Валерий Георгиевич - саха бэйиэтэ, тылбаасчыта.

	Куһу-хааһы ытыалыы Куоратчыт дьону талыы... Таллан кэтит санныттан Татаар баһын лэкэтэ, Ойууртан үүрэн, кыыллаан Чэркиэстэри кэһэтэ.
	— Сарыабына уонна сэттэ бухатыыр туһунан остуоруйа, А.С. Пушкин, Чирээйэп тылбааһа

	Эллэй бэйээт Эрдэ билээт Эппэт эбээт!
	— Кулачиков-Эллэйи туохха эрэ хомуруйан эппит тыллара

Эпиграммалар

Поэппын дэнээччилэргэ
Чочур Мыраан чыпчаалыгар
Саҥа Парнас аһаарылар,
Буулур кытыты миинэннэр,
Сүүтүк саҕа эр бэртэрэ
Сүүрдүүнэн испиттэрэ.

Күндэҕэ
Ыккый ойуур быыһынан
Ыҥыыр ата ындыылаах,
Ырбыт сырыы быһыынан
Ыкыр-чыкыр ырыалаах.
Эллэйгэ
- Таанкаҕын дабаай!
Гражданин баай! -
Ай - да -ай!
Өйдүөбэтим, убаай!
Абаҕыыныскайга
- Трах - брах!
Бууска тыаһа. -
Таах бырах
Тыаһа сыыһа!
Чаҕылҕаҥҥа
Түннүк тааһа харахтаах,
Төрүт Намтан бадахтаах...
Халыр гынна мас халҕан,
Киирэн кэллэ Чаҕылҕан.

Плагиаторга
Туора киһи үлэтин
Туһанаары сүбэтин
Саапыстаабыт, хомуйбут,
Самаан-имээн суруйбут,
Ученай аатын ылаат
Уолдьаста дииллэр, кытаат!

Атыттар Валерий Чиряев туһунан

	Мэлдьи өйдүөм Бэлиэрийи - Бэргэн тыллаах бэһиэлэйи!
	— Эллэй

	Табаарыһым Бэлиэрий, Бэстилиэккин кистээриий, Уубун-хаарбын ыгыма, Күнтэн-дьылтан матарыма!
	— Биллибэт