Чиряев Гавриил Иосифович
Чиряев Гавриил Иосифович (04.04.1925—09.05.1982) — хомуньуус баартыйа уонна ил диэйэтэлэ, 1965—1982 сыллардаахха ССКП Саха обкуомун бастакы сэкиритээрэ. Биллиилээх политик, салайааччы, ССКП КК чилиэнэ, ССРС, САССР Верховнай Советтарын депутаата, 1965 сылтан, 1982 сылга диэри ССКП Саха Сирин уобаластааҕы кэмитиэтин бастакы сэкирэтээрэ 1965 сылтан үлэлээбитэ, Аҕа дойду улуу сэриитин кыттыылааҕа.
Г. И. Чиряев 1925 с. Бүлүү оройуонун, 1-кы Чочу нэһилиэгин Кыадаҥдатыгар төрөөбүтэ.1943 с., 18 саастааҕар сэриигэ ыҥырыллыбыта. Сэриилэһэн, Порт Артурга диэри тиийбитэ. Дьоппуон батталыттан Кытайы босхолоспуттартан биирдэстэрэ буолар. 1950 с. старшай лейтенант чыыннаах дойдутугар төннүбүтэ. Норуот үөрэҕириитин систиэмэтигэр үлэлээбитэ.Дьокуускайдааҕы пед.институт историческай салаатын быһа үөрэнэн бүтэрбитэ. Ол кэннэ партийнай үлэҕэ анаммыта. ССКП Саха сиринээҕи обкомун бастакы сэкирэтээринэн 1965 с. талыллыбыта. 17 сыл тухары таһаарыылаахтык үлэлээбитэ. Саха сиригэр геологоразведка, промышленность, тутуу уо.д.а. хайысхалар сайдалларыгар кыһаллан, сүрүн болҕомтотун ууран туран үлэлээбитэ.
Кини туһунан этиилэр уларыт
Саха сиригэр Г. И. Чиряев үлэлиир кэмигэр тыа хаһаайыстыбата сайдыытын саамай чыпчаала этэ, онтон ыла ол таһымҥа тахса илик. Ону таһынан, республикаҕа наука, культура, норуот үөрэҕириитэ күүскэ сайдыбыттара. | |
| — Е.П. Уваров |