Ырыа Дьөгүөнньүк

  Ырыа Дьөгүөнньүк-Егор Филиппович Дедюкин-Таатта олоҥхоһута 
  
 Ырыа Дьөгүөнньүк-Егор Филиппович Дедюкин сэттис халлаан сиксигинэн, ахсыс халлаан анараа өртүнэн, тохсус халлаан улаҕатынан эҥсэн олоҥхолоон аххан онолуйбут, ыллаан аххан ыксалыппыт, туойан аххан дьоллоһуппут киһи этэ. Кинн икки үйэ кирбиитин лаппа хапсан, төрөөн-үөскээн олорон ааспыта, Олоҥхонон, ырыанан, чабырҕаҕынан бэрт эдэр сааһыттан анаан дьа- рыгырбыта. Баайаҕаҕа «Мөҥүрүөн» диэн сиргэ олорбута. Дьадаҥы буолан таҥаһа-саба да, ол тэҥэ боростуой, дьадаҥы этэ. Сайынын наар куоҕас тириитэ бэргэһэлээх сылдьара, наһаа танараһыт, айыымсах, иччини, абааһыны олус итэҕийимтнэ киһинэн биллэрэ. Амырыын дьүһүннээх, түү сирэйдээх, үрлүк соҕус уҥуохтаах, куруутун нүксүччү соҕус тутта сылдьар киһи этэ. Өкүлүүнэ Көстөкүүнэбинэ диэн эмээхсиинээҕэ, Өкүлүүнэ, Өлөксөөндөрө диэн икки кыыстаахтара, Былаас диэн акаарытыны соҕус соҕотох уоллаахтара. Кинилэр үһүөн, саастарын ситэн, өр кэргэннэммэккэ сылдьан баран, биир кэмҥэ утуу-субуу ыалдьан өлүтэлээбиттэрэ.  
 Ырыа Дьөгүөнньүк олоҥхолуурун, ыллыырын, чабырҕахтыырын таһынан элбэх сэһэни, номоҕу үһүйээни, остуоруйаны билэттиирэ. Уонтан быдан тахса олонхону, 70-ча былыргы саха ырыаларын, тойуктарын, алгыстарын, кырыыстарын билэрэ, диэн кэпсииллэрэ.

	Андросов Е.Д
	— [[]]