Эбээ Дьэбдьиэ (Евдокия Лиханова, 1900-2010)

Эбээ Дьэбдьиэ (Лиханова Евдокия Семеновна, 1900-2010) — Хаҥалас улууһун Нөмүгү олохтооҕо, билиҥҥитэ Горнай Орто Сурт сиригэр 1900 сыллаахха төрөөбүт.

	Сахатын аанньа ахтыбат киһи өйө-санаата туора омукка көһөр, төлкөтө онно барар.
	— Р.И. Бравина, Экспедиция: өбүгэ аартыктарын арыйан, Айар, 2023

	Былдьаһыктаах кэмҥэ "һуу-һаа" диэн, быстахха киирбэккэ, ааһар албыны эккирэппэккэ, өлбөт-хаалбат гына бэйэ сиригэр-уотугар дьип-дьап дьаһанан, кытаатан биэрэр куолу.
	— Р.И. Бравина, Экспедиция: өбүгэ аартыктарын арыйан, Айар, 2023

	Аныгы саха сирин баайын харыһыйан ытыы-соҥуу олорбокко, бэйэ туһатыгар таһаарар мөккүөрү тобуллаҕына, сайдар аартыга аһыллыа.
	— Р.И. Бравина, Экспедиция: өбүгэ аартыктарын арыйан, Айар, 2023

	Үлэтин таһаҕас оҥостубакка, идэтинэн астынар, дуоһуйар эрэ киһи олоххо кыайыылаах буолар.
	— Р.И. Бравина, Экспедиция: өбүгэ аартыктарын арыйан, Айар, 2023

	Таҥараны илэ көрбүт суох, эйигин кэтээн, тутан турбат. Таҥара — киһи үтүө санаата. Ол иһин киһи айыы санаанан салайтарыах тустаах.
	— Р.И. Бравина, Экспедиция: өбүгэ аартыктарын арыйан, Айар, 2023

	Киэҥ-холку майгы — уһун үйэ бэлиэтэ.
	— Р.И. Бравина, Экспедиция: өбүгэ аартыктарын арыйан, Айар, 2023

	Сүүрэ-хаама сылдьар ыарыыга бэриммэт.
	— Р.И. Бравина, Экспедиция: өбүгэ аартыктарын арыйан, Айар, 2023