Багдарыын Сүлбэ

Багдарыын Сүлбэ - сир аатын, дьон аатын үөрэппит саха учуонайа.

Багдарыын Сүлбэ туһунан

	Оччолорго Дьокуускайтан кэлэр-барар, ордук култуура үлэһиттэрэ, суруйааччылар Бүлүүгэ хомондьуруопкаҕа кэллэхтэринэ, Уйбаныаптары быһа ааспаттара. Хайаан да ирэ-хоро кэпсэтэн, чэйдээн, сэһэннэрин-сэппэннэрин суруйтаран бараллара.
	— Багдарыын Сүлбэлиин Бүлүүгэ. Кыым, 2018.03.29, 12№, С.18, М. Гермогенова, ХИФУ бочуоттаах бэрэпиэссэрэ

	Багдарыын Сүлбэ - сүдү аат. Кини халыҥ баайа - хас эмэ сүүһүнэн тыһыынча сир-дойду, күөл-өрүс, өбүгэлэрбит сахалыы ааттара - топонимикаҕа, устуоруйаҕа, этнографияҕа, тыл үөрэҕэр өссө да үйэлэргэ туһалыы сытыаҕа.
	— Багдарыын Сүлбэлиин Бүлүүгэ. Кыым, 2018.03.29, 12№, С.18, М. Гермогенова, ХИФУ бочуоттаах бэрэпиэссэрэ

Училищебыт дириэктэрэ Багдарыын Сүлбэ барахсан биһиэхэ аҕалыы истиҥ сыһыаннааҕа. Дириэктэрбит киэдҥ билиилээх, дьоҥҥо-сргэҕэ истиҥ, боростуой сыһыаннаах буолан бэрээдэги кэһии тахсыбата... Мэлдьи уурбут-туппут курдук таҥныбыт, көбүс-көнө уҥуохтаах дириэктэрбитин ытыктыы да, толло да көрөрбүт... Училищщеҕа киирээри олус эрдэ кэлэн хаалбыт этим. Докумуоннарбын туттара киирбиппэр дириэктэр үөрэ көрсүбүтэ. Интринээккэ киириэхпэр диэри Михаил Спиридоновичтаахха олорбутум. Бэлэм аска, ичигэс дьиэҕэ ыйтан ордук олорбутум. Олус иллээх дьиэ кэргэн этэ, миигин оҕолорун курдук көрбүттэрэ.

— Аҕалыы истиҥ сыһыаннааҕа. Кыым, 2018.03.29, 12№, С.18, Евдокия Максимова, РСФСР үтүөлээх учуутала

ССРС үөрэҕириитин үтүөлээх үлэһитэ, СӨ култууратын туйгуна Мария Тимофеева дириэктэрин туһунан маннык ахтар: - Бастакы куурус иккис сэмиэстиригэр үөрэммэтэҕим,тыҥабынан ыалдьан Дьокуускайга сэллик балыыһатыгар сыппытым. Эппэрээссийэлэнээри сыттахпына, Бүлүүттэн сурук кэлбитэ. "Үчүгэйдик эмтэн, үтүөр, - диэн Михаил Спиридонович суруйбут этэ. Күһүн эксээмэннэргин туттаран бииргэ үөрэммит оҕолоргун кытта иккис курууска үөрэниэҕин". Итини - баран олус да үөрбүтүм. Күһүнүгэр учууталларым барахсаттар көмөлөрүнэн эксээмэннэрбин туттарбытым. Онон училищены ситиһиилээхтик бүтэрэн 47 сыл үлэлээтим. Аны Екатерина Николаева (Григорьевна) кэпсээнин истиэҕин: - Эксээмэннэри туттаран үөрэххэ киирбитим, ол эрээри аҥаардас ийэ оҕото буолан, өйөбүлэ суох үөрэнэр кыаҕым суоҕа. Ол иһин толло-толло, училище дириэктэрин кэбиниэтигэр киирбитим. Уонна: "Интэринээккэ ыларгыт буоллар", - диэн көрдөспүтүм. Онуоха Михаил Спиридонович барахсан:"Чэ, тоойуом, интэринээккэ бар, киллэриэхтэрэ", - диэбитэ, сурук оҕото биэрбитэ. - Онус кылааһы бүтэрбит ачыстааппын илиибэр биэрбэтэхтэрэ, эбиитин пааспарым да суоҕа, - диэн ахтар арассыыйа үөрэҕириитин туйгуна Николай Шамаев. - Ону Михаил Спиридонович мин балаһыанньабын өйдөөн, докумуона суох киһи диэбэккэ, училищеҕа ылбыта.

— Аҕалыы истиҥ сыһыаннааҕа. Кыым, 2018.03.29, 12№, С.18, Евдокия Максимова, РСФСР үтүөлээх учуутала, М. Гермогенова, ХИФУ бочуоттаах бэрэпиэссэрэ

{{Q|