Кытыйа

Кытыйа - миискэ курдук дьоҕус мас иһит.

Өс хоһоонугар, сомоҕо домоххо

• Ыт баһа кыһыл көмүс кытыйаттан төкүнүйбүтүгэр дылы.
• Кытыйа кыырда, хамыйах хардааччыта, мэһэмээн мэкчиргэтэ.
• Кытыйа кытыйатын кытта кырбаһар, хамыйах хамыйаҕын кытта хабырыһар.
• Кытыйанан-хамыйаҕынан кырбаһан үөскээбит.
• Кытыйанан-хамыйаҕынан кырбаһа олорор.
• Кытыйата туолла.
• Кытыйа-хамыйах кырбаһыы.
• Кытыйа-хамыйах салас.

Уус-уран айымньыга

	Тар үөрэни чалыр-чулур кутаннар, үс сиринэн үүдэһиннээх үтүө иһитинэн , ур кытыйанан уруйдаабыттара...
	— П.А. Ойуунускай. Олох дуу? Түүл дуу?

	Хаҥас долбуурга кытыйалар туралларын биир-биир ылаттаан көрүтэлээтэ.
	— Амма Аччыгыйа

	Настаа эмээхсин кытыйаҕа арыылаах саламаат кутан аҕалла.
	— Күннүк Уурастыырап

	Маайа кыра мас кытыйаҕа күөрчэх ытыйан, лэппиэскэтин аҕалла.
	— Эрилик Эристиин

	Эт эрэ эн миэхэ, кытыйа, Уоттаах алтаннаах удьурҕай, Ханнааҕы хатыҥы кыдыйан Ким эйигин оҥорбутай?
	— Эллэй. Кытыйа