Кэтэх

Кэтэх - төбө кэлин өттө, көспүт суолталара элбэх, эгэлгэ.

Иттэнэ түстэххэ кэтэхтэн өйүө, умса түстэххэ сүүстэн өйүө - эрэллээх киһи (үксүн чугас доҕор, төрөппүт оҕо) туһунан
Кэлэри кэтэҕиттэн туппут, барары баһыттан туппут - тугу барытын бопсо-хаайса сылдьар киһини этэллэр.
Кэтэҕинэн оонньуур - туохха да кыһаллыбат
Кэтэҕинэн тиэйэр - тугу да ылыммат, батынар
Кэтэҕиттэн ыл - кимиэхэ эмэ сорунуулаах, кытаанах ирдэбили туруор
Кэтэҕэ тулунна - кэтэх, хос санаатын быраҕан көнө, үтүө суолга туруу
Кэтэҕэ тыаһаата - охсулунна, кимтэн эрэ тоһун ылла
Кэтэҕэ чонойбут - киһиргээбит, улахамсыйбыт
Кэтэх аанынан - кистии-саба
Кэтэх тардыстан (олорор, сытар) - икки илиитин тарбаҕын хатыйан тиэрэ түһэн олоруу/сытыы. Үксүн холкутук, ону-маны эргитэ саныы-саныы сынньанар эр дьоҥҥо сыһыаннаах.