Хаар

Хаар - кыһынын маҥан кыырпаҕынан түһэр кырыатыҥы сөҥүү, ол сөҥүү сири бүрүйбүтэ.

Өс хоһоонугар, сомоҕо домоххо

• Хаарга хаамта, сииккэ сиэллэ.
• Хаар баттаан.
• Хаарга үктэммитэ эрэ кырдьык.
• Хаар курдук хаамар.
• Хаары-буору бааһырдан.
• Хаары ытыһан хаалбыт.
• Чөҥөчөгүн хаардаабыт.
• Хаардыы хаамп.
• Уу диэбитэ хаар, хаар диэбитэ уу.

Хоһооннортон быһа тардыылар

	Кырыбынньык кырпа хаар Кылабачыйа тоҕунна, Кырымахтаах кыраһа Кырынаастыы тэлгэннэ...
	— Ангелина Васильева, Бэлэх // Оһуордаах хоһоон : хоһооннор, Дь., Бичик, 2009. - 32. С.8

	Сындааһыннааҕы сыыйбыт Сыа хаар баҕадьы Сылбыйатыйан барда, Күүстээҕи күлкэдиппит Көмүрүө хаар күтүр Көлбөрүйэн барда, Сотолооҕу солбонуппут Солуо хаар обургу Солбонуйан барда..
	— А.Е. Кулаковскай, Ырыа-хоһоон/Сайын кэлиитэ.- Якутскай, 1978, С. 225