Тулаайах

Тулаайах - 1. Төрөппүттэрэ эбэтэр кинилэртэн биирдэстэрэ өлөн, көрүүтэ-истиитэ суох хаалбыт (оҕо). 2. Иитэр, көрөр-истэр дьоно суох, соҕотох (дьахтар, кырдьаҕас киһи), огдообо.
== Уус-уран айымньыга туттуллуута ==.

	Күн анныгар туохтан да Күүстээх, истиҥ тапталлаах Күндү ийэ көмүскэстээх Көрүүтүттэн-истиититтэн Эрдэ маппыт дьоло суохтар - Тулаайахтар барахсаттар Эрэй, күөмчү эгэлгэтин Тулуйарга тиийээхтииллэр.
	— В.М, Новиков, Талыллыбыт айымньылар/Ымыы уонна Налбыһах.- Якутскай, 1977, С. 97

• Эмээхсин эрэйдээх хаһааҥҥыттан тулаайахсыйбытын үгүстэр өйдөөбөттөр. Кинилэр билэллэринэн Хараанай эмээхсин өрүү соҕотох. Ол иһин да буолуо, киһилии аатын умнан, үксүгэр "Тулаайах" диэн ааттыыллар. "Ээ, ол тулаайах эрэйдээх", "били тулаайах сордоох" диэн биир эмэ мунньахтарга, ыраахтааҕы суолун төлүүр сахсаан буоллаҕына хам-түм ахтан аһараллар. Күрэх муҥхатыгар арыт элбэх собо кэллэҕинэ, муҥхалаах муҥур баһылык айыыта киирдэҕинэ: "Ити тулаайахха биир сүүр балыгы ордук өлүүлээн биэриҥ!" - диэн көбдьүөрэр.

Иван Гоголев. Хара кыталык